Sun'iy intellekt texnologiyalari asosida sog'liqni saqlash sohasida innovatsion yechimlar ishlab chiqish maqsadida o'tkaziladigan OTMlararo respublika hakatoni. IT va tibbiyot integratsiyasi!
Sun'iy intellekt va tibbiyot integratsiyasi
"AI HEALTH" hakatoni sun'iy intellekt texnologiyalari asosida sog'liqni saqlash sohasida innovatsion yechimlarni ishlab chiqish maqsadida o'tkaziladi. Hakaton respublika hududidagi davlat va nodavlat oliy ta'lim muassasalari talabalari o'rtasida ikki bosqichda tashkil etiladi.
Hakaton jarayonida talabalar jamoalari tibbiy ma'lumotlarni tahlil qilish, diagnostika uchun AI yechimlar, telemeditsina platformalari, monitoring tizimlari va kasalliklarni prognozlash kabi yo'nalishlarda ishlaydigan MVP yoki demo versiya taqdim etadi. Eng yuqori ball to'plagan jamoalar I, II va III o'rinlarni egallaydi.
Sun'iy intellekt va tibbiyot sohasidagi asosiy vazifalar
Sog'liqni saqlash sohasida sun'iy intellekt asosidagi innovatsion ishlanmalarni qo'llab-quvvatlash
Talabalar o'rtasida IT va tibbiyot integratsiyasini rivojlantirish va amaliy ko'nikmalarni shakllantirish
Iqtidorli yoshlarni aniqlash va ularni startap faoliyatiga jalb etish
Sog'liqni saqlash tizimidagi dolzarb muammolarga texnologik yechimlar ishlab chiqish
5 ta asosiy yo'nalishda ishlab chiqish
Sun'iy intellekt asosida tibbiy ma'lumotlarni tahlil qilish tizimlari
Diagnostika uchun sun'iy intellekt yechimlarini ishlab chiqish
Telemeditsina va mobil sog'liqni saqlash platformalari
Sog'liqni real vaqtda monitoring qilish tizimlari
Profilaktika va kasalliklarni prognozlash tizimlari
2 bosqichda tashkil etiladi
Har bir oliy ta'lim muassasasi mustaqil ravishda ichki saralash bosqichini tashkil etadi. Eng yuqori ball to'plagan jamoalar II bosqichga yo'llanma oladi.
Final bosqich festival doirasida 24-48 soatlik intensiv hakaton yoki tayyor loyiha asosida pitch formatida o'tkaziladi.
100 ballik tizim asosida baholanadi
Tibbiy yoki ijtimoiy jihatdan amalga oshirish mumkinligi, ilmiy tahliliy ma'lumotlar aniqligi
Taqdimotning yangiligi, tibbiy va ijtimoiy yangilikni joriy qilish imkoniyati
Sinovlar muvaffaqiyatli o'tgan, tibbiy-ijtimoiy samaradorlik tasdiqlanganlik darajasi
Ilmiy dalillar bilan asoslanganligi, ilmiy adabiyotlar bilan ishlanganlik aniqligi
Ilmiy va amaliy jihatdan tanlov komissiyasi a'zolari savollariga javob berish
Tushunarlilik va aniqlik, vizual taqdimot sifati, informatsion grafikalar mavjudligi
Ishtirokchilar uchun muhim qoidalar va talablar
Har bir jamoa 2 nafardan 5 nafargacha ishtirokchidan iborat bo'ladi. Bir ishtirokchi faqat bitta jamoa tarkibida qatnashishi mumkin.
Hakaton respublika hududidagi davlat va nodavlat oliy ta'lim muassasalari talabalari o'rtasida o'tkaziladi.
Hakamlar hay'ati qarorlari yakuniy hisoblanadi va qayta ko'rib chiqilmaydi, apellyatsiya hollari bundan mustasno.
Plagiat aniqlangan taqdirda jamoa hakatondan chetlashtiriladi. Loyiha mualliflik huquqi jamoaga tegishli bo'ladi.
Har bir OTM ichki saralash natijalariga ko'ra belgilangan miqdordagi jamoalarni final bosqichiga tavsiya etadi.
Hakaton festival byudjeti, homiylar va hamkor tashkilotlar mablag'lari hisobidan moliyalashtiriladi.
G'oliblar diplom, sertifikat va belgilangan mukofotlar bilan taqdirlanadi
Sun'iy intellekt va tibbiyot sohasidagi innovatsion loyihangiz bilan hakatonda ishtirok eting va kelajak tibbiyotini yarating!